Me largimet e shumta në mesfushë, Chelsea kërkon që të sjellë në “Stamford Bridge” një lojtar që të arrijë të bëhet lider në atë repart. Mesa duket ekipi londinez i ka idetë e qarta se kujt do t’i besojë.
Bëhet fjalë për Sergej Milinkovic-Savic, mesfushori i Lazios është një mundësi reale për Chelsean. Në javët e fundit “Blutë e Londrës” janë fokusuar më shumë në shitjet e lojtarëve sesa në blerjet e tyre dhe koha po kalon shpejt kështuqë ata janë vënë në lëvizje për të “mbushur” vendet e lëna bosh nga largimet.
Disa mesfushorë me peshë janë larguar nga Chelsea si Kovacic, Kante, Mount, Loftus-Cheek, Bakayoko dhe Denis Zakaria (i cili u rikthye tek Juventusi pas përfundimit të huazimit). Mungesën e tyre nuk mund ta mbulojnë vetëm me blerjen e Savic, por Chelsea e sheh mesfushorin e Lazios si një pikë kyçe për mesfushën e sezonit të ardhshëm.
Lexo gjithashtu
