Federata Shqiptare e Futbollit ka njoftuar se në bashkëpunim me Capital T do të nxjerrin këngën “Albania”. Kjo këngë pritet të jehojë në stadiumet e Gjermanisë, për aq kohë sa do luajë Kombëtarja shqiptare.
Lançimi do të vijë pikërisht më 30 maj. Capital T është një prej këngëtarëve më të njohur shqiptar, ndërsa ky bashkëpunim do i bashkojë gjithë shqiptarët në botë.
Postimi i Federatës Shqiptare të Futbollit:
"Krenaria Kombëtare në Nota Muzikore! FSHF është e lumtur t’ju bëjë me dije se kënga zyrtare e Kombëtares shqiptare në finalet e Euro 2024 titullohet "Albania" dhe është realizuar në bashkëpunim me një nga artistët më të suksesshëm të muzikës shqiptare & më të pëlqyer, Capital T.
Një këngë që përfaqëson më së miri identitetin tonë kombëtar e që do të udhëheqë kuqezinjtë tanë në çdo moment përgjatë kësaj aventure të paharrueshme në finalet e Kampionatit Europian "Gjermani 2024".
Ky bashkëpunim unik përfaqëson fuqinë e bashkimit dhe pasionit, që na karakterizon të gjithë si shqiptarë.
Le të festojmë së bashku këtë moment historik & të mbështesim ekipin tonë drejt suksesit! Forca Shqipëria! STAY TUNED, datë 30 maj”.
Lexo gjithashtu
