Rastet e reja të të infekturave me COVID-19, në skuadrat gjermane, po sjell vështirësi për planin e rifillimit të ligës.
Masat dhe protokollet e përcaktuara paraprakisht për parandalimin e përhapjes së virusit, nuk u zbatuan nga sulmuesi Salomon Kalou, i cili u pezullua nga Hertha Berlin për mosrespektim të distancës sociale, pasi në një video-live në Facebook, u pa duke shtrënguar duart me lojtarët e tjerë të ekipit.
Infeksionet e reja dëmtojnë shpresat për rinisjen e Bundesligës brenda këtij muaji. Kancelarja gjermane, Angela Merkel dhe 16 qeveritarë e shtetit, do të përcaktojnë ditën e Mërkurën, nëse rreziku përhapjes së infeksioneve në stadiume është i madh edhe pa spektatorë.
Dhjetë rastet pozitive të COVID-19 rezultuan nga 1.724 teste të kryera nëpër 36 klube, në dy divizionet kryesore të Gjermanisë. Skuadra e Herthës tha që Kalou dha "përshtypjen se lojtarët individualë nuk po e marrin seriozisht çështjen e Coronavirusit, veçanërisht në diskutimin aktual për një rinisje kampionatit."
Lexo gjithashtu
