Në një prononcim për “DAZN”, portieri i ekipit të Interit Yann Sommer u ndal të fliste përpara ndeshjes me Urawa Red Diamond. Ky takim është i vlefshëm për raundin e dytë të Botërorit të Klubeve. Megjithatë Sommer ende nuk e ka harruar humbjen e dhimbshme në Champions kundër PSG-ës.
“Ditët pas një ndeshjeje të tillë janë gjithmonë të vështira, kjo është e qartë. Të gjithë lojtarët u tronditën pas atij takimi, por ky është futbolli. Ndodhi. Ne folëm për këtë, kërkuam arsyet dhe motivet pse gjërat shkuan në atë mënyrë, por tani është e rëndësishme të ecësh përpara me mendjen, mendimet dhe idetë e tua”.
Gardiani i Zvicrës u ndal edhe te dallimi mes Inzaghit dhe trajnerit të ri të Interit Cristian Chivu: “Ka shumë dallime mes Chivu dhe Inzaghit. Ata janë dy karaktere të ndryshme. Jo vetëm në aspektin e taktikave, por edhe atë të komunikimit. Gjithsesi kjo është një gjë e mirë”, e mbylli Sommer.
Lexo gjithashtu
VIDEO/ Interi fiton në “in-extrem”, Asllani mes më të mirëve te zikaltërit
Bayern siguroi kualifikimin mes drithërimash, “skanohet” dëmtimi i Musialës
VIDEO/ Përmbysje “e çmendur” dhe 7 gola, Dortmund ringjallet me Bellingham
Interi sfidon sonte japonezët, Chivu i beson sërish aftësive të Asllanit
