Një incident u regjistrua në kampin stërvitor të Rumanisë, aty ku Mircea Lucesku nuk është ndjerë mirë, duke u transportuar me urgjencë në spital për të marrë ndihmën e nevojshme mjekësore.
Trajneri, i cili mban dhe statusin si më i vjetri në historinë e ekipeve kombëtare, 80 vjeç, kolapsoi në stërvitje duke alarmuar pjesëtarët e stafit për të shmangur më të keqen.
Federata rumune ka qetësuar tifozët për gjendjen e tij shëndetësore, teksa i duhet të përballet dhe me UEFA-n, e cila ka zgjedhur t'i refuzojë kërkesën për të mos luajtur ndeshjen me Sllovakinë.
Njoftimet e Federatës Rumune të Futbollit:
Federata Rumune e Futbollit dëshiron të informojë publikun dhe përfaqësuesit e medias në lidhje me incidentin mjekësor që ndodhi sot në kampin stërvitor të ekipit kombëtar rumun.Gjatë takimit teknik që i parapriu seancës së fundit stërvitore para nisjes për në Sllovaki, trajneri Mircea Lucescu u ndje keq. Masat e ndihmës së parë u morën menjëherë nga anëtarët e stafit mjekësor të ekipit kombëtar, të cilët i dhanë ndihmën e parë në vend.
Pas një telefonate në shërbimin e urgjencës 112, dy ekipe SMURD shkuan me urgjencë në bazën stërvitore. Ndërhyrja e shpejtë e stafit mjekësor lejoi që tekniku të stabilizohej shpejt.
Në këtë moment, gjendja e trajnerit është e qëndrueshme. Megjithatë, sipas protokolleve mjekësore në fuqi dhe për të eliminuar çdo rrezik, Mircea Lucescu u transportua në një njësi spitalore në kryeqytet për hetime të hollësishme dhe monitorim të specializuar.
PËRDITËSIMI 1 | Stërvitja e mëngjesit të sotëm u anulua, lojtarët u prekën nga ajo që ndodhi. Për këtë arsye, Federata u përpoq të anulonte edhe ndeshjen në Bratislavë, por kjo nuk pati sukses. Njëkohësisht, u konsiderua se delegacioni rumun do të nisej për në Sllovaki nesër, por i vetmi fluturim i disponueshëm do të kishte qenë shumë vonë.
Në këto kushte, programi mbeti i pandryshuar, me nisjen e planifikuar për këtë mbrëmje, në orën 18:30.
PËRDITËSIM 2 | Trajneri Mircea Lucescu ndodhet në Spitalin Universitar, duke iu nënshtruar analizave diagnostikuese dhe ndërhyrjeve terapeutike të nevojshme për të stabilizuar ritmin e zemrës.
Ekipi kombëtar do të udhëtojë për në Bratislavë këtë mbrëmje pa Mircea Lucescun, pasi ai do të mbetet i shtruar në spital për monitorim dhe trajtim të specializuar. Detyrat për ndeshjen me Sllovakinë do të merren përsipër nga ish-lojtari ndërkombëtar Ionel Gane, ndihmës trajneri i ekipit të parë përfaqësues.
Lexo gjithashtu
