Një moment shqetësues u regjistrua gjatë ndeshjes së Kanadasë kundër Katarit në Kupën e Botës 2026, ku mesfushori Ismaël Kone u detyrua të largohej nga fusha me barelë pas një dëmtimi të rëndë. Ajo që tërhoqi vëmendjen e shikuesve në atë moment ishte një pajisje e gjelbër që futbollisti po përdorte gjatë daljes nga loja.
Bëhet fjalë për të ashtuquajturin "green whistle" (bilbili i gjelbër), një mjet i specializuar për lehtësimin e menjëhershëm të dhimbjeve të forta. Pajisja njihet me emrin Penthrox dhe është një analgjezik jo-opioid.
Ilaçi vepron në mënyrë të ngjashme me "gazin e të qeshurës", duke reduktuar ndjeshëm dhimbjen brenda pak frymëmarrjeve, ndërkohë që pacienti mbetet plotësisht i vetëdijshëm.
Një nga veçoritë kryesore të Penthrox-it është se pajisja mbahet dhe administrohet nga vetë pacienti, gjë që i mundëson atij të kontrollojë natyrshëm sasinë e medikamentit që merr.Edhe pse përdoret gjerësisht në Australi dhe Zelandën e Re, ky medikament është miratuar për përdorim në Kanada që nga viti 2022.
Për sa i përket fatit të futbollistit, raportohet se Kone i është nënshtruar një operacioni pas thyerjes së këmbës dhe nuk do të ketë mundësi të vazhdojë pjesën e mbetur të turneut.
Lexo gjithashtu
