Kupa e Botës 2026, që do të zhvillohet në SHBA, Kanada dhe Meksikë, rrezikon të jetë turneu më ndotës në historinë e futbollit.
Sipas një raporti të Institutit të Motit të Ri, eventi mund të gjenerojë të paktën 9 milionë ton emetime dioksid karboni (CO₂), ndërsa në disa skenarë kjo shifër mund të arrijë deri në 15 milionë ton.
Studimi thekson se zgjerimi i turneut në 48 skuadra dhe 104 ndeshje, si dhe organizimi në 16 qytete të shpërndara në tre shtete, do të rrisin ndjeshëm udhëtimet ajrore.
Fluturimet pritet të jenë burimi kryesor i ndotjes, me emetimet që mund të rriten nga 160% deri në 325% krahasuar me edicionet e mëparshme.
Autorët e raportit paralajmërojnë se mungesa e alternativave të qëndrueshme të transportit në Amerikën e Veriut e rëndon më tej situatën.
Ndërkohë, FIFA ka bërë të ditur se do të zbatojë masa për qëndrueshmërinë mjedisore, përfshirë promovimin e transportit publik dhe reduktimin e mbetjeve gjatë turneut.
Lexo gjithashtu
