Sezoni i Gleison Bremer me Juventusin nuk shkoi ashtu siç pritej, prej një dëmtimi që mbrojtësi brazilian pësoi. 28-vjeçari u operua në muajin tetor dhe sezoni i tij përfundoi. Në një intervistë për mediat italiane, Bremer ka folur për qëllimet e tij me klubin bardhezi.
“Dua të luaj për të fituar kampionatin dhe diçka edhe më të madhe, por është një histori që duhet ta shkruaj akoma këtu te Juventusi. Fatkeqësisht u lëndova, por do të rikthehem me më shumë tituj dhe do të fitojmë edhe më shumë tifozë.
Momenti më i mirë ishte viti i kaluar kur fituam Kupën e Italisë. Viti i parë në këtë shtet ishte i vështirë për mua. Jo gjithçka po shkonte mirë, por tashmë jam në Piemonte, së shpejti do të më japin çelësat e qytetit.”, u shpreh braziliani.
Bremer e mbylli këtë sezon me Juventusin para kohe pas dëmtimit që pësoi me Leipzig në Champions League. Mbrojtësi 28-vjeçar shpreson të luajë në Kupën e Botës për Klube e programuar në qershor.
Lexo gjithashtu
