Leon Dajaku ishte një nga të shumtët që refuzoi Kombëtaren shqiptare dhe Kosovën. Sulmuesi me origjinë shqiptare po ëndërronte Gjermaninë, por përveç ekipeve të moshave, Dajaku nuk është përfillur për më lart.
23 vjeçari që tashmë është pjesë e Hajduk Split mesa duket po i bëhet dalje edhe nga kroatët. Është trajneri Gennaro Gattuso ai i cili nuk e ka në planet e tij për sezonin e ardhshëm futbollistik.
Dajaku po stërvitet larg ekipit të Hajduk Split. Gattuso e ka larguar nga ekipi, teksa sipas mediave në Kroaci, sulmuesi me origjinë shqiptare pritet që nga momenti në moment të gjejë një destinacion tjetër.
Kujtojmë që Dajaku ka një karrierë të gjatë në Gjermani, ku ka mbajtur veshur fanellën e Waiblingen, Sttutgart, Bayern Munich dhe Union Berlin. Gjithashtu, shqiptari ka luajtur edhe për Sunderland dhe St Gallen.
Lexo gjithashtu
