Akoma pa u mbyllur sezoni aktual, Manchester City po mendon për përforcimin e ekipit që do të ketë sezonin e ardhshëm.
Me Kevin De Bruyne që akoma nuk i dihet e ardhmja, City po mendon që të transferojë një mesfushor që mund ta zëvendësoje denjësisht belgun.
Sipas mediave angleze, Pep Guardiola dëshiron që të ketë nën urdhrat e tij, Bruno Guimaraes.
Mesfushori brazilian që momentalisht mban veshur fanellën e Newcastle, shihet nga “Qytetarët” si perfekti për të përforcuar repartin e mesfushës. Teksa pritet që së shpejti të nisin edhe bisedimet mes palëve.
Në krahun tjetër, 26-vjeçari ka zhvilluar një sezon të mirë me Newcastle këtë sezon, me të cilët ka shënuar 4 gola dhe ka asistuar në 8 të tjerë. Ndërsa vlera e tij sipas "Transfermakt" është plot 85 milionë euro.
