Erling Haaland është një nga sulmuesit më të mirë, ku me Manchester Cityn po “korrë” suksese, duke fituar trofe. Nervegjezi mbylli sezonin e dytë te “Qytetarët”, ndërsa e ardhmja etij pavarësisht se po diksutohet shumë do të vazhdojë të jetë në “Etihad”.
23-vjeçari ka folur pikërisht për të ardhmen e tij, ndërsa ka siguruar tifozët që do të jetë te City. Në deklaratën e tij për “TV2” ka nënvizuar se ka dhe 3 vite kontratë me anglezët, ndërsa la “enigmë” çështjen e rinovimit mes palëve.
“Kam pasur dy vite fantastike dhe më kanë mbetur edhe tre vite të tjera. Kjo është me të vërtetë gjithçka që mund të them. A janë duke u zhvilluar negociata? Kjo është gjithçka që mund të them, kjo që sapo thashë”, ka deklaruar Haaland.
Norvegjezi ka arritur të fitojë 2 tituj kampionë radhazi në Premier League, ndërsa gjithashtu ka fituar Fa Cup dhe Champions League me “Qytetarët”. Sulmuesi u transferua në vitin 2022 nga Borussia Dortmund te Manchester City.
