Erling Haaland është padiskutim një nga lojtarët më të mirë në Premier League. Sezoni i ri për sulmuesin norvegjez ka nisur në mënyrën më të mirë të mundshme.
Në 4 ndeshje ia ka dalë të shënojë 7 gola, duke qenë protagonist absolut në fitoret e Manchester Cityt. Pep Guardiola ka folur për Haaland, ndërsa ka zbuluar edhe “sekretin” e norvegjezit.
“Pas sezonit 2022/2023, ai pati vështirësi, ndoshta për shkak se nuk ka pasur shumë pushim. Më kujtohet në fillim kur më thoshte, ‘Jam ende i lodhur, nuk kam më fuqi’.
Ai qëndron rreth 20 minuta ose gjysmë ore pas seancës stërvitore dhe praktikon finishin e aksioneve, kontrollin e topit dhe pasimet e shkurta.
Sezonin e kaluar, ai as edhe një herë nuk e bëri këtë (punë shtesë), sepse nuk ndihej mirë. I lodhur, i mërzitur, shumicën e sezonit”, ka deklaruar timonieri i “Qytetarëve”.
