Më shumë se një dekadë rivalitet dhe “luftë” e ashpër për epitetin e “më të mirit” të historisë së këtij sporti. Leo Messi dhe Cristiano Ronaldo janë “dëshmia e gjallë” se si kjo “përplasje” në distancë mes tyre është shndërruar në garën më të bukur të globit dhe që vazhdon të “zhvendoset” po ashtu në rangun e tifozëve të cilët i quajnë “idhuj”.
Megjithatë, ndryshe nga sa “polarizohet” në rrjetet sociale nga tifozeritë përkatëse, reflektimet thonë të kundërtën dhe pikërisht prej deklaratave që kanë ardhur nga ylli argjentinas i cili aktivizohet momentalisht në kampionatin amerikan tek skuadra e Inter Miamit.
“Është diçka krejt e natyrshme në botën e futbollit. Unë kam qenë te Barcelona dhe ai tek Reali. Rivalizuam për gjithçka, si nga ana kolektive dhe nga ato individualet, ndaj dhe ndjekësit na kanë krahasuar gjithmonë.
Megjithatë, duhet thënë se marrëdhënia jonë është gjithmonë e mirë dhe e respektuar. Gjithçka ka ndodhur ia lëmë fushës. Nuk ka asgjë personale. Ne nuk jemi takuar shpesh, përveç ndeshjeve dhe ceremonive për ndarje çmimesh, por gjithsesi jemi marrë vesh. Tani jemi në drejtime të ndryshme, por ajo çfarë ka ndodhur ka qenë një rivalitet i bukur sportiv”, është shprehur Messi.
???????? Leo Messi on the rivalry with Cristiano Ronaldo: “What happened was a beautiful sporting rivalry”.
— Fabrizio Romano (@FabrizioRomano) May 8, 2026
“It's something natural in the world of football. I was at Barcelona and he was at Real Madrid, and we were competing for everything both collectively and individually, so… pic.twitter.com/sbjvK2Oaxy
Lexo gjithashtu
