Dështon kalimi i Stefano Piolit te Al Ittihad. Shkak për këtë është bërë Karim Benzema. Sulmuesi francez u ka bërë të ditur drejtuesve të ekipit arab se nuk dëshiron aspak që italiani të marrë drejtimin e skuadrës.
Drejtuesit nuk kanë hezituar dhe kanë përmbushur kërkesën e Benzemas, i cili në këtë mënyrë tregon edhe autoritetin e tij te ekipi arab. Siç dihet Pioli dhe Al Ittihad prej javësh kishin arritur marrëveshjen, ku palët do të firmosnin një kontratë 3-vjeçare dhe ish-timonieri i Milan të përfitonte rreth 15 milionë euro në vit.
Tashmë një francez pritet të jetë trajneri i ri i arabve. Bëhet fjalë për ish-timonierin e Francës, Laurent Blanc. 58-vjeçari aktualisht është pa një ekip dhe palët kanë rënë dakort për një kontratë 2-vjeçare, ku do të përfitojë 8 milionë euro në vit.
Lexo gjithashtu
