Sulmuesi i Bayern Munich, Thomas Muller ka folur 2 ditë para gjysmëfinales së dytë përballë Real Madrid. Në një intervistë të dhënë për kanalet zyrtare të klubit, gjermani është shprehur se në Madrid gjithçka do të jetë e barabartë, por duke mos lënë pa përmendur cilësinë që “Los Blancos” ka.
“Ajo që bënë tifozët e Bayernit në ndeshjen e parë ishte me të vërtetë e mrekullueshme. Është turp që nuk fituam, por të paktën patëm një performancë të mirë. Futbolli është diçka shumë e rëndësishme në Madrid. Reali ka shumë elementë të shkëlqyer në aspektin e kundërsulmit.
Ata janë jashtëzakonisht të rrezikshëm, por edhe të shpejtë e kudondodhur. Por në Madrid do të jetë një ndeshje e barabartë. Në futboll, efektiviteti ka shumë rëndësi. Është ndeshje që do të zgjidhet nga episodet, ne duhet të jemi efektivë kur të krijojmë mundësi shënimi”, është shprehur sulmuesi bavarez.
