Real Madrid ishte i pamëshirë ndaj Borussia Dortmund në sfidën e mbrëmshme në Champions League. Madrilenët triumfuan 5-2 ndaj gjermanëve në një sfidë spektakolare mes dy ekipeve.
Vinicius ishte protagonisti absolut i sfidës. Braziliani shkëlqeu me hat-trick dhe ndihmoi ekipin e tij të përmbyste rezultatin 0-2 të pjesës së parë. Pas sfidës ishte shumë i lumtur ylli i madrilenëve, i cili theksoi se gjithmonë beson te skuadra dhe se Champions është një kompeticion ku kërkojnë ta fitojnë sërish.
“Ne besojmë në veten tonë. Jemi në shtëpinë tonë, para tifozëve tanë, dhe gjithçka është e mundur.
Kur erdhëm në dhomën e zhveshjes pas pjesës së parë, ne ishim të gjithë shumë të qetë dhe thjesht dëgjuam trajnerin. Ai thjesht na tha një gjë, se nëse do të shënonin golin e parë, do të riktheheshim sërish, falë tifozëve dhe ekipit, të cilët me të vërtetë dhanë gjithçka, por ne duhet të përmirësohemi nga fillimi, përndryshe trajneri nuk do të jetë në gjendje ta marrë atë.
Ne po shqyrtojmë se si të luajmë dhe trajneri gjen gjithmonë mënyra për t’i bërë lojërat më të lehta për ne. Në pjesën e dytë nuk ndërruam vetëm formacionin, por edhe dinamikën dhe mënyrën se si po luanim.
Ky është kompeticioni ynë dhe duam ta fitojmë sërish. Dua të qëndroj këtu përgjithmonë. Unë e dua Real Madridin”, ka theksuar Vinicius.
Lexo gjithashtu
