Pep Guardiola
Manchester City dhe Inter ishte supersfida e kësaj mbrëmje, por që u mbyll në barazim pa gola. Asnjëra nga skuadrat nuk e gjeti dot rrugën e rrjetës. Pas kësaj sfide ka folur trajneri i “Qytetarëve”, Pep Guardiola.
“E dinim që do të ishte e vështirë. Interi është një ekip i mrekullueshëm, u mbrojt shumë mirë dhe krijoi kundërsulme të rrezikshme. Sidomos në pjesën e dytë, ata sulmuan shumë mirë duke pasur edhe 4-5 raste për gol. Por ne jemi një ekip fantastik, jam i lumtur që jam trajner i këtij grupi.
Çfarë më pëlqeu? Gjithçka, sepse e di kundër çfarë ekipi po luanim. Ndeshja përballë 11 lojtarëve që mbyllin hapësirat nuk është e lehtë. Ne luajtëm më mirë se finalja e 2023-shit kundër Interit”, tha Pep Guardiola pas përfundimit të ndeshjes.
Poll
