Barcelona u mposht në çerekfinalen e kthimit nga Borussia Dortmund me shifrat 3-1. Por pavarësisht kësaj katalanasit kualifikohen në gjysmëfinalen e Champions me rezultat të përgjithshëm 5-3.
Pas kësaj sfide ka folur Hansi Flick. Timonieri gjerman ka pranuar se skuadra e tij vuajti shumë në “Signa Iduna Park”, por ata e arritën qëllimin e tyre, që ishte kualifikimi në gjysmëfinale.
“Kjo nuk ishte ndeshja jonë më e mirë, por ne ia arritëm qëllimit tonë. Ne kemi një ekip të madh dhe po, nuk luajtëm mirë. Por edhe kundërshtarët janë të mirë dhe po luanin në shtëpi dhe para tifozëve të tyre.
Champions League është turneu më i mirë në botë, dhe kur arrin në gjysmëfinale, është fantastike për klubin, për ekipin dhe për ne gjithashtu. Është fantastike”, ka theksuar timonieri i spanjollëve.
