Ditën e djeshme në Nion të Zvicrës, u hodh shorti për fazën e grupeve të Champions League. Goglat e tundura nga Zlatan Ibrahimovic, do të sjellin këto muaj përballje tepër interesante.
Shorti solli diçka shumë të veçantë për disa lojtarë të ekipeve elitare. Shumë prej tyre, do të përballen me ekipet ku kanë luajtur më parë. Në përballjen mes Real Madridit dhe Monacos, Mbappe do të vijë si një ish i francezvëe.
Dueli i “titanëve” mes Barcelonës dhe PSG do të sjellë si ish, Dembelen. Ndërsa Erling Haaland do të sfidojë Borussia Dortmundin i veshur me fanellën e Manchester Cityt.
Pak muaj pas largimit nga Liverpooli, Trent Alexander-Arnold do t’i sfidojë ata si lojtar i Realit. Në takimin interesant mes Juventusit dhe Monacos, Paul Pogba do të përballet me ish-ët e “Zonjës së Vjetër”.
Enzo Fernandez do të sfidojë Benficën si lojtar i Chelsea, ndërsa Ekitike si lojtar i Liverpoolit do të përballet me Eintracht Frankfurt. Dean Huijsen i cili luan për Real Madridin, do të ndeshet ndaj Juventusit.
Përballje interesante do të jetë ajo mes Chelsea dhe Pafos, ku David Luiz do të sfidojë “Blutë e Londrës”. Gjithashtu dhe Kevin De Bruyne do të përballet me Manchester Cityn si lojtar i Napolit.
“Citizens” do të kenë gjithashtu përballë Leroy Sane si lojtar të Galatasaray. Tchouameni do të vihet përballë Monacos si lojtar i Real Madridit, ndërsa Carreras do të sfidojë Benficën si lojtar i “Los Blancos”.
