Egnatia u mposht në ndeshjen e parë 1-0 nga Borac Banja Luka. Rrogozhinasit nuk ia dolën të merrnin një rezultat pozitivë, qoftë këtu edhe prej atmosferës negative në të cilën ndodheshin, me koret anti-shqiptare që ishin të vazhdueshme.
Për këtë ndeshje ka folur pikërsht trajneri i Borac, Mladen Žižović. Ky i fundit harron koret raciste dhe flet vetëm për ndeshjen duke thënë që ishte ekipi i tij ai që dominoi gjatë gjithë lojës. Ndër të tjera, Mladen Žižović thotë se duhet të fitonin të paktën 3-0 me lojën që u bë në fushë.
“Të ndikuar nga atmosfera, në pjesën e parë nuk u shfaqëm ashtu siç ne dëshironim. Ne gjithashtu, kishim lojtarë të cilët shtrënguan dhëmbët edhe pse nuk ishin në maksimumin e tyre.
Në pjesën e dytë mendoj se kishte dominim total nga Borac dhe ne e merituam fitoren. Ndoshta do të dukem arrogant nëse them se duhet të kishte qenë 2-0 apo 3-0, porn ë disa situata mund të kishim marrë vendime shumë më të mira.
Megjithatë, nuk duhet të hedhim poshtë këtë fitore. Ne kemi avatazhin që kërkonim para ndeshjes së kthimit dhe kjo na bën të lumtur”, ishin fjalët e trajnerit të Borac Banja Luka.
