Kylian Mbappe po shkakton polemika. Me eliminimin e Real Madridit nga Arsenali në çerekfinalet e Champions-it, ish-lojtari francez Jerome Rothen nuk humbi kohë duke “goditur” sulmuesin:
"Flitet për Kylian Mbappe. Ai mbërriti në klubin e tij të ëndrrave me ambicien për të fituar çdo trofe, përfshirë Championsin, dhe për të qenë ndër lojtarët më të mirë në botë. Ai filloi me një dështim individual.
Nuk do ta fitojë ‘Topin e Artë’ këtë vit. Është një dështim i jashtëzakonshëm. Në fillim të sezonit, u gjetën rrethana lehtësuese për të, por kur je Mbappe, koha e përshtatjes është më e shkurtër.
Ka shënuar shumë gola, por kur skuadra kishte nevojë, ai nuk u përgjigj. Kylian ishte inekzistent ndaj Arsenalit. Duhej të ishte i patëmetë në të gjitha nivelet. Nuk është asgjë këtë vit”, ka përfunduar Rothen.
