Achraf Hakimi ka folur në prag të ndeshjes së kthimit që Paris Saint-Germain do të luajë në transfertë përballë Barcelonës. Para kësaj sfide të vlefshme për çerekfinalet e Champions League, Hakimi thotë se në qytetin spanjoll kanë ardhur vetëm për fitore.
“Kemi ardhur me shumë dëshirë për të ndryshuar atë që ndodhi në ndeshjen e parë. Ne jemi këtu për të fituar. Kemi folur me njëri-tjetrin, duhet të qëndrojmë së bashku për të arritur fitoren”, tha fillimisht Hakimi.
Më pas, mbrojtësi i djathtë maroken foli edhe për situatën e Mbappes. Ky i fundit po akuzohet që nuk po luan si profesionist që kur mori vendimin për t’u larguar, por Hakimi thotë të kundërtën.
“Ndjej se Mbappe është shumë i motivuar, ashtu si gjithë ekipi. Ai e di se çfarë duhet të bëjë”, tha marokeni për sulmuesin francez.
Kujtojmë që sfida Barcelona-PSG do të zhvillohet mbrëmjen e kësaj së marte, në stadiumin “Camp Nou”, duke startuar nga ora 21:00.
