“Një vend ku ndodhin gjëra të çmendura është shtëpia jonë, Santiago Bernabeu, kështu që çdo gjë mund të ndodhë”, kështu e nis deklaratën e tij pas ndeshjes Jude Bellingham. Anglezi beson se pavarësisht humbjes, fakti që çerekfinalen e kthimit e luajnë në shtëpinë e tyre do të bëjën gjithçka për të përmbysur Arsenalin dhe për të siguruar kalimin në gjysmëfinalen e Champions League.
“Ne nuk ishim as afër nivelit tonë të zakonshëm. Ne kemi nevojë për diçka vërtet të veçantë, diçka vërtet të çmendur. Kemi 90 minuta futboll dhe gjithçka mund të ndodhë në Bernabeu”, ka shtuar gjithashtu sulmuesi, i cili në një farë mënyre “paralajmëron” anglezët se i pret një 90-të minutash “ferri” në Spanjë.
Kujtojmë se Real Madrid u mposht 3-0 nga Arsenali mbrëmjen e djeshme në “Emirates Stadium”, duel ky i vlefshëm për çerekfinalen e Champions League. Golat u shënuan nga Declan Rice 2 herë dhe nga Mikel Merino.
