Barcelona u eleminua në shtëpinë e vet nga PSG-ja në një sfidë që ishte vërtet e ‘çmendur’. Kampionët e Ligue 1 arritën të fitonin 4-1 ndaj katalanasve, të cilët i japin kështu lamtumirën Champions League.
Pas kësaj disfate ka folur Xavi Hernandez, i cili ka theksuar se nga ky kompeticion u eleminuan nga arbitri. Araujo u ndëshkkkua me karton të kuq dhe kjo ndikoi në këtë ndeshje. Ndërkohë nga ana tjetër Xavi shtoi se nuk e ndryshon vendimin e deklaruar para disa muajsh dhe se do të largohet nga Barcelona në fundin e sezonit.
“Jam i zhgënjyer si të gjithë tifozët e Barcelonës, kemi bërë një punë të jashtëzakonshme në Champions dhe më vjen keq që aventura përfundoi për një gabim të arbitrit. Jam krenar për skuadrën dhe besoj se meritonim kualifikimin, këtë e treguam kur në fushë ishim 11 kundër 11. Por, kështu ndodh në futboll, vendimet gjithmonë kanë ndikimin e tyre në fushë dhe për ne ai vendim i arbitrit kushtoi shumë. Sa i përket të ardhmes sime, asgjë nk ka ndryshuar”, u shpreh Xavi.
