Real Madrid është kampion i Europës për herë të 15-të në histori. Madrilenët triumfuan 2 me 0 në finalen e Champions League përballë Borussia Dortmund.
Pas ndeshjes në Wembley foli Fiorentino Perez. Presidenti i madrilenëve nuk i kurseu fjalët, ndërsa shprehte emocionet e mëdha.
“Është një natë e mrekullueshme sepse ky kompeticion është ai që ne pëlqejmë më shumë. Santiago Bernabeu e krijoi dhe na bëri të rëndësishëm në rang botëror. Çdo herë që ne e fitojmë ka një satisfaksion mes lojtarëve, presidentit dhe gjithë tifozëve në botë.
Është një histori dashurie mes Real Madrid dhe Champions League. Disa largohen dhe të tjerë vijnë, por ky kompeticion mbetet i yni. Secili punon shumë fort dhe jemi shumë të lumtur”, u shpreh Perez.
Poll
