Atalanta arriti të fitojë Europa League, me Berat Gjimshitin që ngriti në “qiell” trofeun e këtij komepticioni. Nga ana tjetër Real Madrid triumfoi në Champions League.
Tashmë të dyja ekipet do të sfidohen mes tyre për Superkupën e Europës 2024. Kapiteni i Kombëtares do të vihet përballë Kylian Mbappe, më këtë të fundit që do të luajë ndeshjen e parë zyrtare me fanellën e “Los Blancos”.
Një duel mjaft i luftuar pritet të jetë mes italianëve dhe spanjollëve, me UEFA-n që ka vendosur që këtë sfidë t’ia besojë një zviceriani. Kështu kryesorë do të jetë Sandro Scharer. 36-vjeçari do të drejtojë kështu finalen e madhe, e cila do të luhet më 14 gusht në stadiumin “PGE Narodoëy” të Varshavës, Poloni.
Real Madrid do të ketë shansin që të vendosë rekord me Superkupën, pasi deri më tani ka arritur ta fitojë 5 herë, po aq sa Barcelona dhe Milan. Ndërkohë nga ana tjetër Gjimshiti dhe ekipi i tij do të përjetojnë për ehrë të parë emocionet e kësaj finaleje.
