Trajneri i Barcelonës Hansi Flick është prononcuar para mediave në vigjilje të ndeshjes me Interit, faza gjysmëfinale. “Timonieri” gjermanë ka cekur tema të ndryshme, nga rivale e deri te ljamet mbi ekipin, sikurse planin taktikë:
“Dani Olmo sapo tha se lojtarët e rinj të ekipit po e përjetojnë këtë fund sezoni si një festë. Si e menaxhoni këtë grup?
Çfarë mendoni se duhet të bëj? T'u bëj presion djemve? Për mua, kur e nisëm sezonin, askush nuk kishte idenë se çfarë mund të bënim. Tani kemi fituar dy tituj dhe javët më të rëndësishme po vijnë. Në këtë nivel, është normale që të jetë kështu. Nga ana e ekipit tim dua që ata ta vlerësojnë të gjithë këtë dhe sa shumë mund të arrijnë duke punuar si grup. Dua që ata ta bëjnë klubin dhe tifozët e tyre krenarë, kjo është ajo që mendoj se tha Dani.
Në ndeshjen e parë vuajte nga presioni dhe goditjet standarde të Dumfries. A mendon se i detyrohesh diçka në zgjedhjet e tua mbrojtëse?
Unë dhe stafi im analizuam gjithçka. Nga jashtë mund të thuash se ata luajtën mirë, por ne e dimë për shembull se nuk kemi disa lojtarë kyç. Në goditjet standarde duhet të mbrohemi më mirë, pajtohem me këtë.
Lewandowski si titullar apo nga stoli?
Folëm për këtë dje, gjithçka po shkon mirë dhe ai është më mirë nga sa prisnim. Ai është gati për stolin, nëse kemi nevojë për të, ai do të hyjë në fushë.
Si e shihni Lamine Yamal pas performancës së tij të shkëlqyer në ndeshjen e parë?
Shpresoj të më njihni deri tani, kam qenë këtu për 8-9 muaj: kemi lojtarë të jashtëzakonshëm dhe Lamine është një prej tyre, ai është gjeni. Ajo që bën ai me topin është e pabesueshme, çdo pasim është i saktë dhe është një gjë e pabesueshme. Për mua ndeshja e parë ishte fantastike, por ne e dimë që ai mund t'i bëjë këto gjëra.
A ka ekipi juaj përvojë të mjaftueshme për këto ndeshje?
Epo, ne kemi fituar tashmë dy tituj. Çdo lojtar përmirësohet me çdo ndeshje që luan. Jemi në gjysmëfinale të Ligës së Kampionëve dhe duhet ta shijojmë, duhet të shijojmë të luajmë së bashku. Dhe mendoj se lojtarët po e bëjnë këtë, po e shijojnë të luajnë së bashku dhe nuk dorëzohen kurrë.
Inzaghi foli me entuziazëm për Lamine Yamal, a ka ndonjë lojtar të Interit që ju ka tërhequr vëmendjen?
Gjithmonë mendoj për ekipin, Interi ka një grup të shkëlqyer, por edhe disa lojtarë shumë të fortë. Për mua gjithçka varet nga ekipi”.
Lexo gjithashtu
Formacioni i javës së Champions League, mbizotërojnë djemtë e PSG-së
