Real Madrid ia doli të kualifikohej në finalen e Champions League, pasi mposhti në “Santiago Bernabeu” Bayern Munich. Madrilenët triumfuan 2-1 ndaj gjermanëve dhe në këtë mënyrë në finalen e “Ëembely” do të sfidohen nga Dortmund.
Kjo sfidë pati mjaft kontestime në fund të saj, për në gol të anuluar për gjermanët, ku rezultati mund të ishte 2-2. Pas kësaj fitoreje ka folur Carlo Ancelotti, i cili do të deklaronte se skuadra e tij është fantastike dhe arritja në finale është magjike. Në lidhje me pretendimet e gjermanëve theksoi se edhe “Los Blancos” iu anulua një gol.
“Ndodhi sërish. Një ekip fantastik, stadium fantastik dhe lojtarë që nuk rreshtin kurrë së besuari. Është diçka magjike, duhen falenderuar tifozët dhe klubi. Jemi në një sezon ku askush nuk i priste këto rezultate, madje as unë nuk i prisja. Arritja në finale është një sukses më vete, pavarësisht se çfarë ndodh në finale.
Unë kapiteni i ekipit? Jo, kapiteni i vërtetë është Florentino Perez. Ne të tjerët jemi thjesht marinarë. Ka ndërtuar këtë gjeneratë fantastike futbollistësh dhe shpresojmë që tani të fitojmë një tjetër Champions League.
Vendimet e arbitrit? Episodi i fundit për mua është shumë i qartë, mund të kishte një pozicion të parregullt dhe ne e ndaluam lojën. Po flasim për një abitër të nivelit të lartë. Edhe ne na u anulua një gol, ishte një episod kur Kimmich u hodh.
Mentaliteti? Lojtarët këtu kanë një mentalitet të pabesueshëm. Jam me shumë fat sepse ata punojnë fort, është një ambient fantastik. Janë shumë të përulur dhe dashamirës. Mund të them pa frikë se është organika më e mirë që kam punuar ndonjëherë në karrierë”, përfundoi timonieri italian.
