Në Nyon të Zvicrës u hodh shorti për turin e parë të Champions League. Egnatia mësoi kundërshtarin e saj në këtë fazë të kompeticionit. Kështu në pjesëmarrjen e parë të tyre në Champions, goglat ishin shumë “bujare” me rrogozhiansit, të cilëve padiksutim iu "buzëqeshi” fati, pasi mund të rrezikonin përballje me Ballkanin e Ilir Daj dhe Slovan Bratislavan.
Kështu ekipi i Edlir Tetovës do të sfidojë kampionët e Bosnje Hercegovivës, FK Borac NBanja Luka. Emri Borak do të thotë “Luftëtar”. Një ekip simpatik në kampionatin e Bosnje Hercegovinës, teksa në 4 vitet e fundit është shpallur 2 herë kampionë, ndërkohë titullin e parë e ka fituar para 13 vitesh.
Saktësisht në sezonin 2010-2011 ka ngritur për herë të parë titullin kampion, ndërsa pas 10 vitesh u rikthye sërish te titulli duke e fituar për herë të dytë në historinë e saj. Ndërsa në sezonin që u mbyll e fitoi për herë të 3-të. Ndërkohë ka fituar edhe një Kupë në sezonin 2009-2010.
Stadiumi ku ekipi luan ndeshjet si pritës quhet “Gradski stadion Banja Luka” dhe është i vendosur në qeënder të qytetit Banja Luka. Kapaciteti i këtij tadiumi është 10030 vendesh. Vlera totale e kësaj skuadre sipas “Transfermarket” është 7.40 milionë eurosh.
Kujtojmë se ndeshjet e para të turit të parë të Chaampions do të luhen më 9 dhe 10 korrik, ndërsa sfidat e kthimit do të zhvillohen pas 1 jave. Saktësisht me 17 dhe 17 korrik 2024. Rrogozhinasit rrugëtimin e tyre në këtë kompeticion do ta nisin në transfertë.
