Mbrojtësi i Bayer Leverkusen, Jonathan Tah mund të largohet nga klubi aktual në merkaton e kësaj vere. Destinacioni i ardhshëm i Tah me shumë mundësi do të jetë Bayern Munich, të cilët po insistojnë shumë për të siguruar shërbimet e tij. Është vetë gjermani që ka folur së fundi për merkaton dhe mundësitë e tij për largim nga Leverkusen.
“Unë gjithmonë kam pasur synim të fitoj një titull me Bayer Leverkusen dhe ia arrita. Ne ia dolëm dhe unë thashë kontributin tim. Ne do të shohim se çfarë do të sjellë e ardhmja. Është e qartë se unë duhet të marr një vendim, sepse klubi ka komunikuar qartë se ose do të vazhdoj kontratën time, ose do të largohem. Klubi nuk do që një lojtar të largohet si transferim i lirë, kështu që i kuptoj plotësisht dhe së shpejt do marr vendimin tim”, tha fillimisht qendërmrbojtësi.
Më tej, Tah foli edhe për mundësinë e transferimit të tij te Bayern Munich. Gjermani shprehet shumë i lumtur që ka interesim nga një bavarezët, duke theksuar se janë një klub i madh.
“Jam duke menduar se cili do të jetë hapi tjetër, ai i duhuri për mua. Nuk e di nëse do të qëndroj te Leverkusen apo do shkoj diku tjetër. Kam lexuar shumë për Bayern Munich dhe jam i lumtur që jam i lidhur me një transferim te një klub i madh, por do të shohim në fund”, mbylli fjalën e tij 28-vjeçari.
Kujtojmë që Tah ka qenë një nga pikat kyçe të Leverkusenit në sezonin që lamë pas. Në 48 ndeshje të luajtura, mbrojtësi ia ka dalë që të shënojë edhe 6 gola dhe të asistojnë në 1 tjetër.
Lexo gjithashtu
