Bayern Munchen vijon të punojë intensivisht për përforcimin e organikës së skuadrës. Bavarezët mendojnë edhe për të ardhmen ku kanë piketuar Desire Doue të Rennes për krahun e majtë të sulmit.
19-vjeçari francez ishte një nga zbulimet e sezonit në Ligue 1 ku në 31 ndeshje u bë protagonist me 4 gola e 5 asiste që ndihmuan klubin e tij të arrinte në Kupat e Europës.
Bavarezët kanë shtyrë shumë së fundmi me Rennes për të arritur një marrëveshje prej 55 milionë eurosh. Iniciativa e gjermanëve i ka pëlqyer lojtarit dhe përfaqësuesve të tij. Megjithatë, PSG është ende në garë dhe nuk dëshiron të dorëzohet për momentin.
Desire Doue ende nuk ka njoftuar vendimin e tij final për të zgjedhur mes Bayern Munchen apo Paris Saint-Germain. Për lojtarin kanë shprehur interes edhe klubet angleze si Manchester United, Chelsea e Tottenham.
Lexo gjithashtu
