Partizani ndodhet në Slloveni prej së mërkurës, ku po zhvillon fazën përgatitore në prag të sezonit të ri. Bashkë me ekipin dhe stafin e trajnerëve ka udhëtuar dhe Ervin Hajdari. Te kryeqytetasit Ervini menaxhon bazën materiale.
Nëse shumë nga stafi kanë ndryshuar me kalimin e viteve, ai mbetet akoma aty. Kjo dhe për shkak të punës së palodhshme që bën. Marrëdhënia e tij me lojtarët është mjaft e afërt, pasi futbollistë dhe ish- futbollistë të Partizanit shpesh herë komentojnë në postimet e tij.
Kështu ka bërë dhe Romero, që përflitet të jetë përforcimi i radhës te të kuqtë. “Më i miri”, komenton venezueliani në foton e fundit të postuar nga Sllovenia.
Partizani po vijon me stërvitjet intensive. Përkushtimi duket i lartë dhe të gjithë po kontribuojnë, në prag të ndeshjeve me Saburtalon për turin e parë të Conference League.
Lexo gjithashtu
