Lionel Messi padiksutim është lojtari i momentit në Kupën e Botës. “Pleshti” ka marrë përdore Argjentinën në Katar 2022. Ylli i argjentinës në finalen ndaj Francës arriti të shënonte golin e tij të 6-të në këtë turne. Por ajo që e bën argjentinasin më të magjishëm është fakti se është lojtari i parë që ka arritur të gjejë rrugën e rrjetës në gjithë fazat e këtij turne. Ish-sulmuesi i Barçës në “vallëzimin” e tij të fundit ka arritur të shënojë gol në fazën e grupeve, në raundin e 16-të, në çerekfinale, në gjysmëfinale dhe në finale në një edicion të vetëm të Kupës së Botës, duke vendosur kështu një rekord unik. Gjithashtu një tjetër rekord vendos Messi, duke u bërë lojtari me më shumë ndeshje të luajtura në një kompeticion të tillë. Me 26 sfida, teksa rekordi mbahej nga Matthaus me 25, ku 35-vjeçari e barazoi në duelin me Kroacinë në gjysmëfinale.

1 - Lionel Messi is the first player to score in the group stage, round of 16, quater-final, semi-final and final in a single edition of the World Cup. Prestige. pic.twitter.com/jnisNEa8F5

— OptaJoe (@OptaJoe) December 18, 2022