Greqia është befasuar me bojkotin e kampionatit nga arbitrat. "Bilbilat" e Superligës helene nuk kanë pranuar të gjykojnë ndeshjet e javës së 15-ë për shkak të dhunimit të arbitrit kryesor Thanasis Tzilos jashtë shtëpisë së tij pas sfidës së datës 9 dhjetor midis Xanthit dhe Olimpiakosit, e cila përfundoi në barazim 1-1. Sot Tzilos doli nga spitali dhe shoqata e arbitrave i ka dërguar federatës greke të futbollit qëndrimin zyrtar. Për këtë arsye të gjitha ndeshjet e kësaj jave janë shtyrë për një datë tjetër.
Dhuna e tifozëve në Greqi është një problem shqetësues prej vitesh për shkak të përfshirjes së elementëve kriminalë në radhët e ultrasve të klubeve, të cilat shkaktojnë vazhdimisht incidente.
Poll
Lexo gjithashtu
