Taulant Xhaka ka rinovuar me skuadrën e Baselit. Është klubi zvicerian që para fillimit të ndeshjes së Conference League kishte bërë me dije se mesfushori shqiptar do të vijonte të ishte pjesë e tyre.
Ish lojtari i përfaqësueses sonë ka firmosur një kontratë që e lidh me Baselin edhe për 4 sezone të tjera.
Një lajm i mrekullueshëm ky në aspektin personal për Taulantin që duket se është vlerësuar maksimalisht për kontributin e dhënë për ekipi zvicerian. Në njoftimin e bërë në kanalin zyrtar të klubit thuhej:
“Jemi shumë të lumtur të njoftojmë se Taulanti, i cili mban ADN-në e Baselit si askush tjetër, do të qëndrojë me ne edhe katër vite të tjera”.
