Basketbollisti francez i Utah Jazz, Rudy Gubert rezultoi pozitiv me Covid-19 pas testeve të kryera në Shtetet e Bashkuara të Amerikës. Pas kësaj situate dhe prekjes së njërit prej protagonistëve, organizatorët e NBA kanë vendosur të shtyjnë ndeshjet e kampionatit deri në një vendim të dytë. Sezoni i rregull është mbyllur, teksa lojtarët dhe stafet do t'i nënshtrohen testeve.
Mbrëmjen e kaluar nuk është zhvilluar asnjë takim, teksa analizat e Gubert dolën vetëm pak orë përpara se të niste sfida e Utah Jazz dhe Oklahoma City; me shkallët e pallatit të sportit që kishin nisur të mbusheshin. Në orët pas analizave, duke parë situatën dhe kontaktet mes basketbollistëve u vendos që të dyja skuadrat të përfundonin në karantinë për 14 ditë. Pasi ka paralizuar shumë kampionate të rëndësishëm futbolli në Europë, Coronavirusi ndërpret edhe NBA në SHBA.
Lexo gjithashtu
