Joao Felix është i huazuar te Barcelona nga skuadra e Atletico Madrid. Portugezi në “Camp Nou” është shndërruar menjëherë në një lider duke bërë paraqitje fantastike me katalanasit.
Në këto ksuhte “Diario Sport” raportoi se Barcelona do të bëjë një ofertë fillestare për të mbajtur 24-vjeçarin në huazim edhe për sezonin e ardhshëm, por duke përfshirë një klauzolë të mundshme blerjeje.
Megjithatë, pavarësisht nevojës së “Blaugranëve” për një zgjidhje financiare të situatës, raportimi i fundit nga “Relevo” thotë se Atletico Madridi do të refuzojë çdo ofertë huazimi.
Klubi nga kryeqyteti spanjoll mund të jetë i hapur për një huazim të Felixit, me një tarifë prej 15 milionë eurosh dhe një opsion të detyrueshëm blerjeje, por nuk do të pranojnë asnjë zgjatje huazimi të Barcelonës.
“Los Rojiblancos” konfirmuan rinovimin e kontratës me Felixin përpara largimit të tij drejt “Camp Nou”, të vlefshme deri në verën e vitit 2029.
Lexo gjithashtu
