Kukësi barazoi dje në transfertë 0-0 kundër Teutës, ndeshje e vlefshme për javën e katërt të Superiores. Skuadra verilindore e drejtuar nga trajneri Skënder Gega ende nuk ka arritur të marrë fitoren e parë në këtë sezon të ri futbollistik.
Situata te kuksianët duket se nuk është aspak e qetë. Në këto kushte, presidenti Safet Gjici i është rikthyer zakonit të vjetër. Siç raporton Supersport, kreu i klubit kuksian ka pasur një mbledhje mëngjesin e sotëm me stafin dhe lojtarët.
Ai ka dëgjuar arsyet e lojtarëve dhe në fund ka kërkuar kthesën e madhe që nga ndeshja e ardhshme me Partizanin që do të luhet në “Kukës Arena”. Pritet të shihet se çdo të ndodhë, teksa mungesa e rezultateve ka sjellë pasojat e para duke pezulluar përkohësisht drejtorin sportiv, Pero Pejiç.
Lexo gjithashtu
