Atleti shkodran Franko Burraj është kualifikuar për në finalen e sotme të Lojërave Mesdhetare në 400 metra. Në “Oran 2022” të Algjerisë, Burraj ka vendosur kohën 46.26 sekonda, duke zënë vendin e dytë në baterinë 3.
Me këtë kohë, atleti ka thyer edhe rekordin kombëtar, të vendosur nga vetë ai me kohën 46.48. Tanimë pritet që Burraj të jetë pretendent për një medalje me flamurin kuqezi.
Njoftimi i KOKSH:
Franko Burraj fluturon drejt finales për të rrëmbyer medalje në Oran 2022.Atleti garoi në kualifikueset e 400 metrave, duke dalë i dyti në baterinë 3, me kohën 46.26. Me këtë kohë dhe renditje në bateri, Burraj kualifikohet direkt në finalen e së shtunës, ndërsa shkodrani ka regjistruar kohën tretë më të mirë me 18 atletëve që garuan në këtë disiplinë në Lojërat Mesdhetare ka thyer rekordin kombëtar në 400 metra, që mbahej nga atleti kuqezi me kohën 46.48.
Lexo gjithashtu
