Arsenali ka konfirmuar se anësori Reiss Nelson ka nënshkruar zyrtarisht një kontratë të re për të zgjatur qëndrimin e tij me “Topçinjtë”. Marrëveshja e mëparshme e Nelson ishte caktuar të skadonte këtë verë dhe dukej sikur një largim nga klubi i tij i fëmijërisë do të ndodhte, por një marrëveshje e re katërvjeçare u arrit në fund të sezonit të kaluar. Kontrata tani është nënshkruar dhe Nelson, i cili iu bashkua klubit në moshën tetë vjeç, është i lidhur me Arsenalin deri në vitin 2027. “Reiss është një lojtar që e kam admiruar që nga dita e parë që isha këtu”, tha trajneri Mikel Arteta. “Ai ka aftësi të jashtëzakonshme dhe është një talent sulmues kaq emocionues. Reiss e di se sa i rëndësishëm është për skuadrën tonë me cilësinë që ka. Është e mrekullueshme që Reiss ka përkushtuar të ardhmen e tij për ne. Ai e njeh këtë klub kaq mirë, ai u rrit këtu dhe ne mezi presim të shijojmë shumë momente të tjera të mira me të”, është shprehur më tej tekniku spanjoll.  

 

View this post on Instagram

 

A post shared by Arsenal (@arsenal)