Edhe pse u cilësuar si një nga afrimet më të bujshme të kësaj merkatoje, diçka nuk ka shkuar mirë me Argjent Gafurin, lojtarin që u afrua në muajin janar te Flamurtari. Gafuri ka kërkuar largimin me pretekstin se nuk qëndron fot larg familjes, ndërkohë që administratori i klubit vlonjat, Sinan Idrizi nuk e ka lejuar këtë gjë.
Pas nënshkrimit të kontratës me vlonjatët, Gafuri duket se nuk e ka përballuar dot largësinë nga familja dhe ka bërë kërkesë pranë klubit për të marrë lejën dhe për tu larguar në drejtim të familjes. Kontrata e sapo firmosur e mesfushorit ndodhet në zyrëne administratorit Sinan Idrizi, i cili duket se ka thënë fjalën e fundit.
Idizi ka reaguar lidhur me këtë situatë, duke u shprehur: "Nuk ka shanse që ai të ikë. Gafuri është në kontratë dhe është lojtar i Flamurtarit. Ne mund të kemi ndonjë suprizë të fundit për ndonjë afrim, por jo për largim".
Kjo përgjigje ka qenë e prerë e administratorit, tani pritet të shihet nëse Gafuri do rikthehet në kampin vlonjar, apo situta do shkojë në një tjetër nivel, kjo pritet të mësohet ditët në vijim.
Lexo gjithashtu
