Dita e djeshme nuk ka qenë ndër më të mirat për Skënderbeun, kjo jo vetëm për faktin që u mundën me rezultatin e pastër 2-0 nga Luftëtarit, por edhe për shkak të ngjarjeve që ndodhën në fushën e blertë, konkretisht me futbollistin, Marko Radas.
Ai u largua me të kuq nga gjyqtari i ndeshjes për shkak të sjelljeve antisportive dhe ndaj tij pritet që të ketë dhe një masë nga ana e Komisionit të Disiplinës e cila do të merret vesh ditët në vijim.
Një tjetër problem në kampin korçar është dëmtimi i sulmuesit Ali Sowe. Ai është sakrifikuar ditën e djeshme, por sot mësohet se sulmuesi ka udhëtuar drejt Romës ku do kryejë disa vizita mjekësore për të kuptuar më shumë se ku qëndron problemi.
Ende nuk dihet shkalla e dëmtimi apo koha sa do qëndrojë futbollisti jashtë fushës së blertë, gjithçka pritet të mësohet ditët në vijim, pasi mjekët të kenë thënë fjalën e tyre.
Lexo gjithashtu
