Goli i Elis Bakajt do të mbahet mend gjatë në kampionatin shqiptar. Mënyra se si arbitri Andi Koçi e interpretoi momentin kur një bilbil vjen nga jashtë, ka bërë që në të gjitha panelet sportive të diskutohet ky rast i veçantë.
Pikërisht sonte në emisionin "Procesi Sportiv" në Top-Channel, Lorenc Jemini diskutoi momentin e shumëpërfolur. Në mënyrë të pakuptimë, ish-gjyqtari me stemën e FIFA-s gaboi njësoj si kolegu i tij. Ai ngatarroi rregulloren, duke treguar që nuk e njeh mirë.
Njësoj si Koçi për rastin në fjalë, ata kundërshtojnë së bashku rregulloren. Interpretimi që i bëjnë rregullave të lojës nuk është i duhuri me nivelin e treguar për vite me radhë në fushën e blertë. Jemini ngatërroi rastin e Andi Koçit me një moment tjetër të rregullores. "Kur një bilbil dëgjohet nga jashtë dhe mbrojtësi e prek topin, janë dy raste të kundërta, por ish-gjyqtari nuk jep elementet e duhura duke u ngatërruar në interpretimin e bërë". /NEWSPORT.AL/
Lexo gjithashtu
