Është zyrtarizuar emri i arbitrit që do gjykojë takimin e datës 19 tetor në "Elbasan Arena". UEFA ka vendosur të sjellë në Shqipëri një gjyqtar polak, emri i të cilit është i njohur. Bëhet fjalë për Daniel Stefanski, i cili do drejtojë takimin e Europa Ligës së Elbasan.
Gjyqtari 40 vjeçar ka drejtuar gjithsej 27 takime klubesh dhe 25 ndeshje të skuadrave përfaqësuese, ku pjesën më të madhe, saktësisht 13 prej tyre, e zënë sfidat e moshave të 19 dhe 21-vjeçarëve. Në 18 nga këto 52 ndeshje Stefanski ka qenë gjyqtar i katërt.
Stefanski do të ketë si asistent, Marcin Boniek dhe Dawid Igor Golis. Ndihmësat e treshes kryesore do të jenë polakët, Bartosz Frankoëski dhe Zbigniew Dobrynin, ndërsa gjyqtar i katërt do të jetë Krzysztof Myrmus.
Nga historiku i tij si gjyqtar, njihet si një arbitër që nuk e kursen kartonin e verdhë, por kartonin e kuq e ka "frikë", pasi në historikun e tij e ka nxjerrë vetëm 9 herë.
Kujtojmë që takimi mes Skënderbeut dhe Partizani të Beogradit do të luhet në datën 19 tetor, në orën 21:05 në "Elbasan Arena", takim i vlefshëm për Europa League.
Lexo gjithashtu
