Vllaznia luan nesër në 19:45 me Teutën, për javën e dytë të Superligës. Përpara sfidës, në konferencën për shtyp ka folur edhe Ante Aralica, sulmuesi kroat i shkodranëve. Për 25 vjeçarin e rëndësishme është skuadra dhe jo emrat në fushë. Aralica shënoi në debutim ndaj Laçit, teksa pritet të jetë nga minuta e parë nesër në "Loro Boriçi".
"Paraqitja - Jemi të kënaqur, jemi të përqendruar që të fitojmë ndeshje pas ndeshje. Të bëjmë sa më mirë në sfidën e radhës duke bërë paraqitje pozitive. Nuk premtoj gola, por premtoj që do të bëj punë të madhe. Në fund të ditës është trajneri ai që vendos, unë do të bëj më të mirën time për Vllazninë. Nuk kam një opinion për Kategorinë Superiore.
Atmosfera - Pas ndeshjes me Laçin atmosfera është shumë e mirë. Jemi një ekip i ri sepse siç janë dhe lojtarët e sezonit të kaluar kanë ardhur edhe lojtar për sezonin e ri.
Laçi - Në ndeshjen me Laçin na shkoi mirë, fituam dhe tani duam të fitojmë sfidën e ardhshme.
Konkurenca në sulm - Ne jemi në fillim shok ekipi dhe jo rivalë, jemi në konkurencë për të njëjtën pozicion që të marrim sa më shumë minuta që të jetë e mundur, por në fund të ditës i takon trajnerit cili do të luajë dhe cili jo. Ne në çdo ndeshje shkojmë për tre pikë dhe nuk na intereson se kush luan" tha Aralica.
Lexo gjithashtu
