Apolonia javën e shkuar nisi përgatitjet, ku në krye të ekipit është emëruar provizorisht trajneri Elidon Demiraj. Figurë e njohur e futbollit në Fier si në rolin e trajneri, po ashtu edhe kur ka qenë futbollist. Megjithatë, drejtuesit ende nuk ia kanë besuar 100% skuadrën. Me sa duket pritet që të ketë një trajner të ri në të ardhmen.
[caption id="attachment_670" align="alignleft" width="300"]
Elidon Demiraj dhe Artan Mërgjyshi kur drejtonin Apoloninë në sezonin e shkuar[/caption]
Demiraj e ka drejtuar skuadrën në sezonin 2013-2014 kur e nxori në Superiore, por edhe në fazën e parë të sezonit 2014-2015, por pa mundur që ta mbajë në garë për qëndrimin në elitë. Megjithatë, ai tashmë ka marrë në dorëzim grupin dhe po zhvillon përgatitjet.
Sa i përket emrit të ri të trajnerit, nga drejtuesit nuk bëhet me dije asnjë informacion. Zëvendësuesi i Mërgjyshit ende nuk është gjetur, por që po shkakton një problem kryesor, nuk po kryhen lëvizje në merkato. Apolonia nuk ka shumë nevojë për përforcime, pasi grupi i vitit të shkuar është në gjendjen më të mirë, por duhen pak afrime në disa reparte. Kjo është e drejtë ekskluzive e trajnerit, ndërsa pritet që në ditët në vijim përcaktimi i tij të lirojë punën edhe në këtë aspekt.
Lexo gjithashtu
