Hapësire reklamuese

Çështjet kryesore

VENDI

Vllaznia si FSHF për Conference League, klubi shkodran hap aplikimet për vullnetarë

Shkruar nga NEWSPORT
Vllaznia si FSHF për Conference League, klubi shkodran hap aplikimet

Klubi i Vllaznisë ka dalë me një njoftim zyrtar ku fton të gjithë ata që kanë dëshirë të jenë pjesë e organizimit të ndeshjes kundër Universitatea Craiova. Shkodranët ftojnë gjithë tifozët të aplikojnë në adresën elektronike të klubit.

Njësoj si Federata Shqiptare e Futbollit që angazhoi dhjetëra vullnetarë për finalen e Conference League, ashtu edhe klubi i Vllaznisë kërkon të rekrutojë njerëz, dashamirës të sportit për mbarëvajtjen e sfidës të turit të dytë të Conference League.

“NJOFTIM

Bëhu pjesë e një eksperience unike dhe historike! Klubi i futbollit Vllaznia ju ofron mundësinë të bëheni pjesë e programit të vullnetarëve. Ky program ka si qëllim realizimin e ndeshjes të kompeticionit "UEFA Europa Conference League" ndaj ekipit Universitatea Craiova, e vlefshme për sezonin 2022-2023, një  event i rëndësishëm që do te organizohet nga KF VLLAZNIA, që do të zhvillohet më 21 KORRIK 2022, në stadiumin "Loro Boriçi". Ju bëjmë me dije se do të bashkëpunoni me ekipe profesionale në fushën e eventeve sportive dhe të të gjithë dimensioneve të organizimit të një eventi që do të presë me mijëra vizitorë. Të gjithë i dimë emocionet kur shohim një ndeshje, por programi i vullnetarëve do ju njohë me magjinë, sfidat dhe arritjet gjatë organizimit të saj. Suksese me aplikimin! Ekipi mezi pret t’ju njohë!

Vullnetarët e Kontrollit të Aksesit do të luajnë një rol integral në krijimin e një mjedisi të sigurt në objektet e stadiumit "Loro Boriçi". Vullnetarët do të ndihmojnë që të gjitha grupet e synuara të hyjnë dhe të dalin nga stadiumi dhe zonat e tij pa probleme dhe në kohë.

Kushtet:

1-Të kenë mbushur moshën 22 vjeç

2-Të jenë të familjarizuar me ambjentet e stadiumit "Loro Boriçi"

3-Të kenë njohuri të mjaftueshme të gjuhës angleze

Rregjistrimet mund të kryhen deri më date 11 Korrik 2022. Të gjithë aplikantet do të intervistohen në ambjentet e stadiumit me datë 12 Korrik 2022 nga ora 09.00 deri në ora 12.00.

Personat që do të pranohen, do të kryejnë dy ditë trajnim me ekspertë të sigurisë të FSHF dhe të huaj.

Per rregjistrime mund te kontaktoni në adresën e e-mailit [email protected]”.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga