Gjykata në Rusi ka lënë në fuqi vendimin e 9 viteve burg për basketbollisten amerikane dhe yllin e WNBA, Brittney Griner, e cila u arrestua në shkurt për posedim droge.

Griner ra në pranga në aeroportin Sheremetyova në Moskë më 17 shkurt pasi iu gjetën vaj kanabisi në valixhe.

Në 4 gusht ajo u dënua me 9 vite burg pasi u shpall fajtore, me argumentin se i ishte rekomanduar kanabis për dhimbjen dhe se e kishte paketuar pa dashje. Avokatja e Griner, Maria Blagovolina dhe Alexandër Boykov tha të hënën se  ylli i WNBA nuk po priste asnjë mrekulli.

“Ajo është shumë nervoze duke pritur vendimin e apelit. Britney nuk pret asnjë mrekulli të ndodhë por shpreson që gjyqi i Apelit të dëgjojë argumentët e mbrojtjes dhe të ulë dënimin”, tha ajo në një deklaratë.