Klubi peqinas u dënua dhjetë ditë më parë nga Komisioni i Disiplinës me tetë ndeshje pa praninë e spektatorëve në stadiumin e tij për shkak të shkaktimit të akteve të dhunës gjatë ndeshjes së kampionatit kundër Apolonisë.
Por, klubi i Shkumbinit mori vendimin që këtë çështje ta kalojë në Komisionin e Apelit, megjithatë vendimi ka mbetur i pandryshuar. Vetëm një shkallë i mbetet peqinasve për të kërkuar pafajësinë, të çojnë çështjen në Gjykatën e Arbitrazhit Sportiv (CAS).
"Ndryshimin e pikës 7 të vendimit te Komisionit te Disiplinës, date 04.10.2016 si vijon:
SK “Shkumbini”, për sjellje te gabuar te spektatorëve duke hedhur sende brenda rrethimit te fushës së lojës, duke shkaktuar akte dhune ndaj zyrtareve te ndeshjes, ne baze te Nenit 66/3/b, sanksionohet me ndalimin e zhvillimit të 8 (tete) ndeshje pa spektatorë në stadiumin përkatës.
Kundër këtij vendimi lejohet ankim përpara Gjykatës së Arbitrazhit Sportiv (CAS) Lozanë, Zvicër.
U shpall ne Tirane, sot me dt 14.10.2016", përfundon njoftimi i shpërndarë nga FSHF.
Lexo gjithashtu
