U zhvilluan ditën e djeshme të gjitha ndeshjet e javës së 25-të të kampionatit Kategoria e Parë.
Kryesuesit e Skënderbeut morën një fitore të rëndësishme në shtëpi, duke mposhtur Lushnjen me rezultatin 2-0 dhe duke ruajtur vendin e parë në renditje. Fitore arriti edhe Laçi, që triumfoi 2-1 ndaj Apolonisë në një përballje të luftuar.
Një tjetër sukses të rëndësishëm mori Pogradeci, që fitoi bindshëm 4-1 ndaj Korabit në stadiumin “Gjorgji Kyçyku”, me liqenorët që nuk iu ndahen kështu dy ekipeve të kreut. Ndërkohë, Besa doli me tri pikë nga transferta ndaj Kastriotit, duke fituar me rezultatin 3-2.
Dy sfidat e tjera të javës u mbyllën pa gola. Burreli dhe Iliria barazuan 0-0, ndërsa pa fitues u mbyll edhe përballja mes Kukësit dhe AF Luftëtarit, që gjithashtu përfundoi në barazim 0-0.
Pas javës së 25-të, gara në Kategorinë e Parë mbetet shumë e fortë si në krye të renditjes, ashtu edhe në zonën e mbijetesës, ndërsa skuadrat do të synojnë pikë të rëndësishme në javët e mbetura të sezonit.
Lexo gjithashtu
